შეხვედრა მსოფლიო ბანკის წარმომადგენლებთან

21 თებერვალს, მსოფლიო ბანკის თბილისის ოფისში გაიმართა შეხვედრა საქართველოში ფართოზოლოვანი ტექნოლოგიების კონკურენტუნარიობის საკითხებთან დაკავშირებით. შეხვედრას ესწრებოდნენ წარმომადგენლები საჯარო და კერძო სექტორიდან მათ შორის: საქართველოს ეკონომიკისა და მდგრადი განვითარების სამინისტროდან, საქართველოს იუსტიციის სამინისტროდან, მონაცემთა გაცვლის სააგენტოდ და სხვ.

შეხვედრა ჩატარდა ფინეთის, infoDev-ისა და ნოკიას პროგრამის ”Creating Susitanable Business in the Knowledge Economy” -ს ფარგლებში. შეხვედრას უძღვებოდნენ მსოფლიო ბანკის წარმომადგენლები, კომუნიკაციებისა და საინფორმაციო ტექნოლოგიების მიმართულების სფეციალისტები ტიმ კელი, სიდჰართა რაჯა და ნელი დოლიძე. დამსწრეებმა განიხილეს საქართველოში ფართოზოლოვანი ტექნოლოგიების დანერგვის დადებითი მხარეები, განისაზღვრა მიმდინარე წელს მსოფლიო ბანკთან თანამშრომლობის შესაძლო სფეროები.   ძირითად პრიორიტეტულ საკითხებს წარმოადგენს სამუშაო ადგილების შექმნა, კვალიფიციური კადრების მომზადება, ელექტრონული კომერციისა და ექსპორტზე ორიენტირებული IT ინდუსტრიის განვითარება და ტექნოლოგიური პარკის შექმნა.

საქართველოს ეკონომიკისა და მდგრადი განვითარების სამინისტროში კომპანია HP-ის დელეგაცია იმყოფება

კომპანია HP-სა და საქართველოს ეკონომიკისა და მდგრადი  განვითარების სამინისტროს შორის გაფორმებული ურთიერთგაგების მომორანდუმის ფარგლებში, რომლის შესაბამისად HP-მ საქართველოში კოლექტიური IT მომსახურების და მონაცემთა შენახვის (დატა) ცენტრი უნდა ჩამოაყალიბოს სამინისტროში  იმყოფება კომპანია HP- ის დელეგაცია.

ცენტრის დაფუძნების პარალელურად, HP საქართველოს მთავრობასთან ერთად საერთო ინიციატივის წამოწყებას გეგმავს, რომელიც საქართველოში IT სექტორის განვითარებას ემსახურება. განზრახვების მემორანდუმის მიხედვით დაგეგმილია ინიციატივა IT სპეციალისტებისთვის ტრენინგების ჩასატარებლად, უნივერსიტეტებში IT ინოვაციების ხელშეწყობისათვის და IT ინკუბატორების განვითარების პროცესში მხარდაჭერას.

პროექტის განხორციელების შედეგად, ცენტრის შესაქმნელად HP საქართველოში რამდენიმე მილიონი აშშ დოლარის ინვესტირებას აპირებს და ასობით ქართველი IT სპეციალისტის დასაქმდებას. შესაბამისად, ქართველ სპეციალისტებს შესაძლებლობა მიეცემათ, ქვეყნიდან გაუსვლელად წარმოაჩინონ საკუთარი თავი მსოფლიოში ერთ-ერთ ყველაზე დიდ IT კომპანიაში. შედეგად საქართველოს კონკურენტუნარიანობა IT-ს საერთაშორისო ბაზარზე საგრძნობლად გაიზრდება და გაამტკიცებს ჩვენი ქვეყნის, როგორც უცხოური პირდაპირი ინვესტიციების მიმზიდველი ქვეყნის პოზიციებს.