კავშირგაბმულობის,საინფორმაციო ტექნოლოგიებისა და ინოვაციების დეპარტამენტი

„ Google–ის ტექნოლოგიები მცირე და საშუალო ბიზნესისათვის“

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Thu, 26 Jan 2012 16:22:29 +0000

23 იანვარს საქართველოს ეკონომიკისა და მდგრადი განვითარების სამინისტროში გაიმართა Google-ის სემინარი: „ Google–ის ტექნოლოგიები მცირე და საშუალო ბიზნესისათვის“. სემინარს დაესწრნენ ქართული ბიზნეს ასოციაციებისა და კომპანიების წარმომადგენლები როგორიცაა: საქართველოს ღვინის ასოციაცია, საქართველოს ჩაის ასოციაცია, საქართველოს ყველის მწარმოებელთა ასოციაცია, საქართველოს რძის მწარმოებელთა, საქართველოს ყველის მწარმოებელთა ასოციაცია, საქართველოს მეცხვარეთა ასოციაცია და სხვ. ასევე, წარმომადგენლები საქართველოს საინვესტიციო სააგენტო და თბილისის მერიის ეკონომიკური პოლიტიკის საქალაქო სამსახურიდან.

სემინარი ჩაატარეს Google–ის ექსპერტმა და თანამშრომლებმა. საუბარი იყო Google-ის როლზე მცირე და საშუალო ბიზნესის ეფექტურად წარმართვაში, Google-ის იმ მომსახურეობებზე რომლებიც უფრო მოსახერხებელს ხდიან ურთიერთობას მომხმარებელსა და მიმწოდებელს შორის. განხილული იყო Google-ის ტექნოლოგიების გამოყენების ნამდვილი, წარმატებული მაგალითები და გამოცდილებები .

Google Apps, Google Places, Google Adwords ეს არასრული ჩამონათვალია Google-ის იმ პროდუქტებისა რომელთაც შეუძლიათ ბიზნესს უმცირესი დანახარჯებით დიდი მოგება მოუტანოს, ისეთ ქსელთან დაკავშირებით როგორიც Google-ია და რომლითაც ყოველდღიურად 300 -ზე მეტი მილიონი ადამიანი სარგებლოს მსოფლიოს მასშტაბით.

საქართველოში Google-ის ტექნოლოგიების მომხმარებელთა ჯგუფი დაარსდა

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Thu, 26 Jan 2012 16:02:58 +0000

21 იანვარს საქართველოს ეკონომიკისა და მდგრადი განვითარების სამინისტროს მხარდაჭერით ქორთიარდ მარიოტში გაიმართა Google-ის კონფერენცია, თბილისის Google-ის ტექნოლოგიების მომხმარებელთა ჯგუფის (GTUG) დაარსების ცერეონიალი. კონფერენციას დაესწრნენ ახალგაზრდა პროგრამისტები, ოლიმპიადებში გამარჯვებული მოსწავლეები, აიტი კომპანიების წარმომადგენლები და სხვა დაინტერსებული პირები.

სემინარი ჩაატარა უკრაინელმა ექსპერტმა, კიევის Google-ის ტექნოლოგიების მომხმარებელთა ჯგუფის დამაარსებელმა ვლადიმერ ივანოვი. ასევე Google-ის ვიდეოკონფერენციის სისტემის მეშვეობით მოხდა ჩართვები Google-ის ქართველ და უცხლოელ სპეციალისტებთან და GTUG ის წევრებთან მსოფლიოს 3 კონტინენტის 6 ქვეყნიდან.კონფერენციას სტუმრობდა Google-ის თანამშრომელი იგორ მაჰანიოკი შვეიცარიის, ციურიხის ოფისიდან.

GTUG (Google Technology Users Group) – Google-ის ტექნოლოგიების მომხმარებელთა ჯგუფი კომპანია Google-ის მხარდაჭერით შეიქმნა. დღეისათვის იგი 95 ქვეყანას აერთიანებს და ყოველწლიურად 1000ზე მეტ ღონისძიებას მართავს.

GTUG-ის საქართველოში დაარსება ქვეყანისათვის საკმაოდ მ0ნიშვნელოვანია. მის ფარგლებში მოხდება დაინტერესებული პროგრამისტებისა და Google-ს ექსპერტების თანამშრომლება, კვალიფიკაციის ამაღლება, ცოდნისა და გამოცდილების გაზიარება სხვა ქვეყნის GTUG ჯგუფის წევრებთან.

ეს ჯგუფი ასევე ხელს შეუწყობს საქართველოში ექსპორტზე ორიენტირებული პროგრამირებისა და Android აპლიკაციების შექმნას. ასევე დაეხმარება ქართველ პროგრამისტებს აპლიკაციების ადგილობრივ და საერთაშორისო ბაზარზე გატანაში.

სამინისტრომ კომპანია ”HUAWEI”-სთან ურთიერთგაგების მემორანდუმი გააფორმა

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Tue, 27 Dec 2011 20:00:57 +0000

28 დეკემბერს საქართველოს ეკონომიკისა და მდგრადი განვითარების სამინისტროში ხელი მოეწერა ურთიერთგაგების მემორანდუმს ჩინურ კომპანია ”HUAWEI”-სთან. საქართველოს მხრიდან დოკუმენტს ხელი მოაწერა საქართველოს ეკონომიკისა და მდგრადი განვითარების მინისტრმა, ვერა ქობალიამ.

ჩინურ კომპანია ”HUAWEI”-სთან ეკონომიკის და მდგრადი განვითარების სამინისტროს მიერ წარმოებული მოლაპარაკებების შედეგად, გადაწყდა, რომ საქართველოს გადმოეცემა 370.000 დოლარის ღირებულების დატა-ცენტრი, ასევე უახლესი VDI ტექნოლოგიით მომუშავე 200 კომპიუტერი სრული კომპლექტაციით. ეს არის სამხრეთ კავკასიაში ჩინური მაღალტექნოლოგიური კომპანიის პირველი ასეთი მსხვილი დონაცია, რომელმაც ხელი უნდა შეუწყოს საქართველოში საინფორმაციო ტექნოლოგიების განვითარებას, მთავრობაში თანამედროვე დატა-ცენტრების და Cloud სისტემების გამოყენებას, რესურსების ოპტიმიზაციას. გარდა ამისა, მემორანდუმი ითვალისწინებს თანამშრომლობას ექსპორტზე ორიენტირებული IT-ინდუსტრიის გასავითარებლად.

ეკონომიკისა და მდგარი განვითარების მინისტრის, ვერა ქობალიას განცხადებით, საქართველოს მთავრობის ძალისხმევა მიმართულია იქითკენ, რომ შეიქმნას ექსპორტზე ორიენტირებული მაღალტექნოლოგიური ინდუსტრია, სადაც ადგილობრივი კადრები დასაქმდებიან. ამ თვალსაზირისით, კი თანამშრომლობა ჩინურ მხარესთან მნიშვნელოვანია.

კომპანია ”HUAWEI” წარმოადგენს მულტინაციონალურ კომპანიას 110.000 თანამშრომელით 140- ზე მეტ ქვეყანაში. ”HUAWEI” არის მსოფლიოს მაშტაბით სიდიდით მე-2-ე სატელეკომუნიკაციო და საინფორმაციო ტექნოლოგიური ინფრასტრუქტურის მიმწოდებელი კომპანია. 2010 წელს ”HUAWEI”-ის შემოსავალმა 28 მილიარდი დოლარი შეადგინა. 2011 წელს კომპანიის მოგების 24 პროცენტი ზრდა არის მოსალოდნელი. ”HUAWEI”-ს საკუთარი კვლევითი ცენტრები 20 ქვეყანაში აქვს, სადაც თანამშრომელთა 46 პროცენტი კვლევითი მიმართულებით არის დასაქმებული.

ქართული ბლოგინგის ბოულინგის დღე 2011 !

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Mon, 26 Dec 2011 20:00:52 +0000

საქართველოში პირველად, ამა წლის 27 დეკემბერს, 20 საათზე ბოულინგ ცენტრალში გაიმართება ბლოგინგის ბოულინგის დღე. ჩემპიონატში მონაწილეობას მიიღო 70-მდე წამყვანმა ქართველმა ბლოგერმა. ღონისძიებას ორგანიზებას უწევდა სოციალური მედიის კვლევებისა და განვითარების ფონდმა. ღონისძიების მხარს უჭერდა საქართველოს ეკონომიკისა და მდგარი განვითარების სამინისტრო.

ქართული ბლოგინგის ბოულინგის დღე საქველმოქმედო ხასიათსაც ატარებდა. ბლოგერებმა შეაგროვებეს ნაძვის ხის სათამაშოები და სხვა საახალწლო ნივთები, რომლებიც შემდეგ, გლდანის კრიზისულ ბავშვთა ცენტრს გადაეცა.

ჩემპიონატის მონაწილეებმა თავდაპირველად იასპარეზეს 5 კაციან ჯგუფებში, ხოლო შემდეგ ინდივიდუალურად შეეჯიბრნენ ერთმანეთს. დღის ბოლოს გამოვლინდნენ გამარჯვებულები, როგორც ჯგუფურ ისე ინდივიდუალურ შეჯიბრში. საუკეთესო მოთამაშე მამაკაცის ტიტული მიიღო ირაკლი ქილიფთარმა, ხოლო ქალის – თიკო გაბუნიამ. ბოულინგის პარალელურად გაიმართა სხვადასხვა გასართობი თამაშები და გამოვლინდა წლის ნომინაციებში ბლოგერებს შორის.

ღონისძიების მიზანი იყო სოციალური მედიის განვირთარების ხელშეწყობა, ქართველი ბლოგერების დამეგობრება და მათი წახალისება. ორგანიზატორები გეგმავენ მსგავსი ღონისძიების ყოველწლიურად ჩატარებას.

საქართველოში პირველი ახალგაზრდა Android პროგრამისტთა ჯგუფი ჩამოყალიბდა !

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Mon, 12 Dec 2011 10:22:05 +0000

ეკონომიკის სამინისტროში Android პროგრამისტების ჯგუფის პირველი შეხვედრა გაიმართა. კავკასიის უნივერსიტეტის სტუდენტებს გაესაუბრა მობილური ტექნოლოგიების დარგის სპეციალისტი კახა კახიძე. ბატონმა კახამ ახალგაზრდებს საკუთარი გამოცდილება გაუზიარა და მისცა რჩევები პროფესიული საქმიანობის განვითარებისათვის. ასევე განხილულ იქნა სხვადასხვა Android მიმართულებები და იდეები საქართველოს ახალგაზრდა Android პროგრამისტების სამომავლო პროექტებისათვის . აღნიშნული შეხვედრა გაცნობით, საორიენტაციო ხასიათს ატარებდა. მომავალში Android პროგრამისტთა ჯგუფი გეგმავს სისტემატურ შეხვედრებს, ჯგუფის გაფართოებს, კონკრეტული პროექტების განხორციელებასა და საერთაშორისო Android პროგრამისტთა გაერთიანებებთან თანამშრობლობას.

საქართველოს ელექტრონული საკომუნიკაციო ქსელების აბონენტების საყურადღებოდ!

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Mon, 12 Dec 2011 09:50:14 +0000

გაცნობებთ, რომ საქართველოს ელექტრონული საკომუნიკაციო ქსელების ნუმერაციის ეროვნული სისტემის დანერგვასთან დაკავშირებით მიმდინარე წლის 14 დეკემბრიდან ქვეყნის ფიქსირებულ და მობილურ სატელეფონო ქსელებში მოქმედი პრეფიქსი – ”8” შეიცვლება და ამოქმედდება ეროვნული პრეფიქსი – ”0” და საერთაშორისო პრეფიქსი – ”00”, შეიცვლება საქალაქთაშორისო და საერთაშორისო სატელეფონო კავშირით მომსახურების უზრუნველმყოფი საოპერატორო კომპანიების 8XX ფორმატის კოდები, ახალი 10XX ფორმატის კოდებით მაგალითად: 8-07 შეიცვლება 10-07 -ით, 8-10 შეიცვლება 10-10 -ით, 8-11 შეიცვლება 10-11 -ით, 8-16 – შეიცვლება 10-16 -ით, 8-18 შეიცვლება 10-18 -ით და ა.შ. .

ფიქსირებული და მობილური სატელეფონო ქსელების აბონენტების მიერ კავშირის დამყარების წესი უცვლელი რჩება მხოლოდ იმ განსხვავებით, რომ ფიქსირებულ სატელეფონო ქსელების აბონენტების და მობილური სატელეფონო ქსელების აბონენტების მიერ ერთმანეთთან კავშირის დასამყარებლად პრეფიქსი – ”8” ნაცვლად უნდა აიკრიფოს ეროვნული პრეფიქსი – ”0” და შემდეგ გამოსაძახებელი აბონენტის ეროვნული ნომერი.

ფიქსირებული და მობილური სატელეფონო ქსელების აბონენტების მიერ:

საქალაქთაშორისო კავშირის განსახორციელებლად იკრიფება ეროვნული პრეფიქსი – ”0”, შემდეგ გამოსაძახებელი ქალაქის კოდი და ამ ქალაქში გამოსაძახებელი აბონენტის ტელეფონის ნომერი ან საოპერატორო კომპანიის არჩევის კოდი – 10XX, შემდეგ ეროვნული პრეფიქსი – ”0” , შემდეგ გამოსაძახებელი ქალაქი კოდი და ამ ქალაქში გამოსაძახებელი აბონენტის ტელეფონის ნომერი.
საერთაშორისო კავშირის განსახორციელებლად იკრიფება საერთაშორისო პრეფიქსი – ”00” შემდეგ გამოსაძახებელი ქვეყნის კოდი, შემდეგ კი გამოსაძახებელი აბონენტის ეროვნული ნომერი ან საოპერატორო კომპანიის არჩევის კოდი – 10XX, შემდეგ საერთაშორისო პრეფიქსი – ”00”, შემდეგ გამოსაძახებელი ქვეყნის კოდი და გამოსაძახებელი აბონენტის ეროვნული ნომერი.

ფიქსირებულ და მობილურ სატელეფონო ქსელების აბონენტების მიერ ნომრის აკრეფის და კავშირის დამყარების ყველა სხვა წესი უცვლელი რჩება.

ძველი და ახალი პრეფიქსების და ოპერატორების კოდების თანამოქმედება უზრუნველყოფილი იქნება 2012 წლის 11 იანვრამდე.

დამატებითი ინფორმაციისთვის გთხოვთ მიმართოთ ელექტრონული კომუნიკაციების საოპერატორო კომპანიების საინფორმაციო – საცნობარო სამსახურებს.

საქართველოს ეკონომიკისა და მდგრადი განვითარების სამინისტრო

საქართველოს კომუნიკაციების

ეროვნული კომისია

ელექტრონული საკომუნიკაციო ქსელების გეოგრაფიული ნუმერაციის ახალი კოდები

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Wed, 10 Aug 2011 13:30:16 +0000

№	ქალაქი, მუნიციპალიტეტის ადმინისტრაციული ცენტრი	ახალი კოდები საქალაქთაშორისო და შემომავალი საერთაშორისო კავშირისთვის
№	ქალაქი, მუნიციპალიტეტის ადმინისტრაციული ცენტრი
1	თბილისი	32
2	აბაშა	412
3	ადიგენი	366
4	ამბროლაური	439
5	ასპინძა	364
6	ახალგორი	342
7	ახალქალაქი	362
8	ახალციხე	365
9	ახმეტა	349
10	ბათუმი	422
11	ბაღდათი	434
12	ბოლნისი	358
13	ბორჯომი	367
14	გაგრა	443
15	გალი	447
16	გარდაბანი	372
17	გორი	370
18	გუდაუთა	444
19	გულრიფში	448
20	გურჯაანი	353
21	დედოფლისწყარო	356
22	დმანისი	360
23	დუშეთი	346
24	ვანი	432
25	ზესტაფონი	492
26	ზუგდიდი	415
27	თეთრიწყარო	359
28	თელავი	350
29	თერჯოლა	491
30	თიანეთი	348
31	თიღვი	374
32	კასპი	371
33	ლანჩხუთი	494
34	ლაგოდეხი	354
35	ლენტეხი	437
36	მარნეული	357
37	მარტვილი	418
38	მესტია	410
39	მცხეთა	373
40	ნინოწმინდა	361
41	ონი	473
42	ოზურგეთი	496
43	ოჩამჩირე	445
44	რუსთავი	341
45	საგარეჯო	351
46	სამტრედია	411
47	საჩხერე	435
48	სენაკი	413
49	სიღნაღი	355
50	სოხუმი	442
51	სტეფანწმინდა	345
52	ტყიბული	497
53	ტყვარჩელი	446
54	ფოთი	493
55	ქარელი	369
56	ქედა	425
57	ქობულეთი	426
58	ქუთაისი	431
59	ყვარელი	352
60	ჩოხატაური	419
61	ჩხოროწყუ	417
62	შუახევი	424
63	ცაგერი	472
64	ცხინვალი	344
65	წალენჯიხა	416
66	წალკა	363
67	წყალტუბო	436
68	ჭიათურა	479
69	ხარაგაული	433
70	ხაშური	368
71	ხობი	414
72	ხონი	495
73	ხულო	423
74	ხელვაჩაური	427
75	ჯავა	347

ახალი სატელეფონო ნუმერაციის ასახვის წესი

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Wed, 04 May 2011 08:46:14 +0000

საქართველოს სატელეფონო ქსელებში ახალი ნუმერაციის დანერგვის შემდეგ სავიზიტო ბარათებზე, ბლანკებზე, ბუკლეტებზე და სხვა შემდეგი სახით იქნება ასახული სატელეფონო ნომრები :

ტელ : +995 32 2xx xxxx (ქ.თბილისი) ; + 995 422 2x xxxx (ქ. ბათუმი) ; + 995 431 2x xxxx (ქ.ქუთაისი) და ა.შ.

ფაქსი : +995 32 2xx xxxx (ქ.თბილისი) ; + 995 422 2x xxxx (ქ. ბათუმი) ; + 995 431 2x xxxx (ქ.ქუთაისი) და ა.შ.

მობ : +995 599 xx xxxx (მაგთი); +995 579 xx xxxx (ბილაინი); +995 577 xx xxxx (ჯეოსელი) და ა.შ.

შენიშვნა : ქ.თბილისში იმოქმედებენ-შვიდ ციფრიანი სააბონენტო ნომრები, ხოლო ქვეყნის დანარჩენ ქალაქებში ექვს ციფრიანი სააბონენტო ნომრები, რისთვისაც ფიქსირებული სატელეფონო ქსელების მოქმედ სააბონენტო ნომრებს პირველ ციფრად დაემატება ციფრი ”2” ხოლო დანარჩენი ციფრები უცვლელნი დარჩებიან;

მობილური სატელეფონო ქსელების ოპერატორების კოდებს დაემატება ციფრი ”5” ხოლო დანარჩენი ციფრები უცვლელნი დარჩებიან.

საქართველოს ეკონომიკისა და მდგრადი განვითარების სამინისტროში კომპანია HP-ის დელეგაცია იმყოფება

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Wed, 16 Mar 2011 15:47:11 +0000

კომპანია HP-სა და საქართველოს ეკონომიკისა და მდგრადი განვითარების სამინისტროს შორის გაფორმებული ურთიერთგაგების მომორანდუმის ფარგლებში, რომლის შესაბამისად HP-მ საქართველოში კოლექტიური IT მომსახურების და მონაცემთა შენახვის (დატა) ცენტრი უნდა ჩამოაყალიბოს სამინისტროში იმყოფება კომპანია HP- ის დელეგაცია.

ცენტრის დაფუძნების პარალელურად, HP საქართველოს მთავრობასთან ერთად საერთო ინიციატივის წამოწყებას გეგმავს, რომელიც საქართველოში IT სექტორის განვითარებას ემსახურება. განზრახვების მემორანდუმის მიხედვით დაგეგმილია ინიციატივა IT სპეციალისტებისთვის ტრენინგების ჩასატარებლად, უნივერსიტეტებში IT ინოვაციების ხელშეწყობისათვის და IT ინკუბატორების განვითარების პროცესში მხარდაჭერას.

პროექტის განხორციელების შედეგად, ცენტრის შესაქმნელად HP საქართველოში რამდენიმე მილიონი აშშ დოლარის ინვესტირებას აპირებს და ასობით ქართველი IT სპეციალისტის დასაქმდებას. შესაბამისად, ქართველ სპეციალისტებს შესაძლებლობა მიეცემათ, ქვეყნიდან გაუსვლელად წარმოაჩინონ საკუთარი თავი მსოფლიოში ერთ-ერთ ყველაზე დიდ IT კომპანიაში. შედეგად საქართველოს კონკურენტუნარიანობა IT-ს საერთაშორისო ბაზარზე საგრძნობლად გაიზრდება და გაამტკიცებს ჩვენი ქვეყნის, როგორც უცხოური პირდაპირი ინვესტიციების მიმზიდველი ქვეყნის პოზიციებს.

კავშირგაბმულობის, საინფორმაციო ტექნოლოგიების და ინოვაციების დეპარტამენტის მიერ 2010 წლის განმავლობაში განხორციელებულ ძირითად სამუშაოთა შესახებ ინფორმაცია

კავშირგაბმულობის, საინფორმაციო ტექნოლოგიების და ინოვაციების დეპარტამენტი — Fri, 31 Dec 2010 10:51:06 +0000

1. მომზადდა და საქართველოს მთავრობას განსახილველად წარედგინა კანონის პროექტი „საფოსტო კავშირის შესახებ“;

2. მომზადდა და საქართველოს მთავრობის მიერ მიღებული იქნა დადგენილება „საქართველოს ელექტრონული საკომუნიკაციო ქსელების ნუმერაციის ეროვნული სისტემის დებულების დამტკიცების შესახებ“;

3. გაფორმდა ხელშეკრულება „საქართველოს მთავრობასა და ესტონეთის რესპუბლიკის მთავრობას შორის ინფორმაციისა და საკომუნიკაციო ტექნოლოგიების სფეროში თანამშრომლობის შესახებ“;

4. შიდასახელმწიფოებრივ პროცედურებს გადის ურთიერთგაგების მემორანდუმის პროექტი „ინდოეთის რესპუბლიკის კომუნიკაციებისა და საინფორმაციო ტექნოლოგიების სამინისტროსა და საქართველოს ეკონომიკისა და მდგრადი განვითარების სამინისტროს შორის საინფორმაციო ტექნოლოგიების სფეროში თანამშრომლობის შესახებ“;

5. მომზადდა და რუმინეთის მხარისათვის შესათანხმებლად გადაცემულია ურთიერთგაგების მემორანდუმის პროექტი „რუმინეთის კომუნიკაციებისა და საინფორმაციო საზოგადოების სამინისტროსა და საქართველოს საქართველოს ეკონომიკისა და მდგრადი განვითარების სამინისტროს შორის კავშირგაბმულობისა და საინფორმაციო ტექნოლოგიების სფეროში თანამშრომლობის შესახებ“;

6. შიდასახელმწიფოებრივ პროცედურებს გადის ხელშეკრულების პროექტი „საქართველოს მთავრობასა და იაპონიის მთავრობას შორის ფოსტის, ელექტრონული კომუნიკაციებისა და საინფორმაციო ტექნოლოგიების სფეროში თანამშრომლობის შესახებ“;

7. მომზადდა და შიდასახელმწიფოებრივ პროცედურებს გადის განზრახულობათა ოქმის პროექტი „საქართველოს მთავრობასა და პოლონეთის რესპუბლიკის მთავრობას შორის ელექტრონული კომუნიკაციების, საინფორმაციო ტექნოლოგიებისა და საფოსტო კავშირის სფეროში ურთიერთთანამშრომლობის შესახებ შეთანხმების გაფორმების თაობაზე“;

8. შიდასახელმწიფოებრივ პროცედურებს გადის შეთანხმების პროექტი „საქართველოს მთავრობასა და ტაჯიკეთის რესპუბლიკის მთავრობას შორის კავშირგაბმულობისა და ინფორმატიზაციის სფეროში თანამშრომლობის შესახებ“;

9. ITU–ი ექსპერტთა ტექნიკური დახმარებით შემუშავებული იქნა „საქართველოს კიბერუსაფრთხოების სტრატეგიის და მისი განხორციელების ღონისძიებათა გეგმის პროექტი“, რომელიც შემდგომი რეაგირებისათვის წარედგინა საქართველოს უშიშროების საბჭოს;

10. გამოცემული იქნა 8 დასახელების ახალი საფოსტო მარკა;

11. ჩატარებული იქნა ITU-ს სრულუფლებიან კონფერენციაში საქართველოს მონაწილეობის მოსამზადებელი სამუშაოები, რომლის მუშაობაში მონაწილეობა მიიღო საქართველოს დელეგაციამ;

12. ჩატარდა IT Start-up დღეები საქართველოში, რომეზეც წარმოდგენილი იყო 20 Start-up პროექტის იდეა;

13. ევროკომისიასთან ერთად, ჩატარდა კონფერენცია „ანალოგური ტელერადიო მაუწყებლობის სისტემიდან ციფრულ ტელერადიომაუწყებლობის სისტემაზე გადასვლასთან დაკავშირებით“;

14. ITU–ს ექსპერტებთან ერთად, მიმდინარეობს მუშაობა საქართველოში ციფრული მაუწყებლობის განვითარების კომპლექსური პროექტის შემუშავებაზე;

15. ხელი მოეწერა სამინისტროსა და კორპორაცია HP-ის შორის თანამშრომლობის ურთიერთგაგების მემორანდუმს;

16. ჩატარდა კონფერენცია თემაზე „საქართველოში ელექტრონული საზოგადეობის ჩამოყალიბებისათვის სასურველი პირობების შექმნა“;

17. მომზადდა ექსპორტზე ორიენტირებული პროგრამირების და IT ინოვაციების ბაზრის განვითარების სტრატეგია და სამოქმედო გეგმა;

18. მომზადდა ქვეყანაში დისტანციური მუშაობის განვითარების სტრატეგია;

19. ორგანიზებულ იქნა შეხვედრები კალიფორნიაში წამყვან IT კომპანიებთან Cisco, IBM, HP, Oracle, Intel, Google რის შედეგადაც მიღწეულ იქნა აღნიშნულ კომპანიებთან სხვა და სხვა მიმართულებით ერთობლივი პროექტების განხორციელების პირობა;

20. განხორციელდა ვიზიტი ინდოეთის ქალაქ ბანგალორში ტექნოლოგიური პარკის მოდელის შესასწავლად, დამყარებულ იქნა კონტაქტები პროგრამული უზრუნველყოფის მიმართულებით მომუშავე წამყვან ინდურ კომპანიებთან, ინდური კომპანიების მხრიდან გამოითქვა მზადყოფნა ქართული სოფტვეერული კომპანიებისასთვის საუკეთესო პრაქტიკების გაზიარების შესაძლებლობასთან დაკავშირებით;

21. ჩატარებულ იქნა ქართული ბლოგინგის დღეები, სადაც შეიქმნა რესურსი საექსპერტო ინფომაციით დამწყები ბლოგერებისათვის, ასევე შემუშავდა რეკომენდაციები მთავრობისათვის სოციალური მედიის მიმართუელბით განსახორციელებელ ნაბიჯებთან დაკავშირებით, განხორციელდა სტრატეგაზე მსჯელობა საქართველოზე საინფორმაციო შეტევების შემთხვევაში კოორდინირებულ ქმედებებთან დაკავშირებით;

22. ჩატარდა მრგვალი მაგიდა ”საქართველოში ელექტრონული კომერციის განვითარების პერსპექტივების” საკითხზე.